كتبت: أحلام المخزنجي
ظهر الفنان تامر مجدي في مقطع فيديو مؤثر نشره عبر حسابه الرسمي بموقع التواصل الاجتماعي فيسبوك، وقد وجه رسالة نارية لاتحاد الفيفا الدولي تعليقًا على الاحداث الاخيرة التي دارت في مباراة مصر والارجنتين أمس.
رسالة تامر مجدي عقب احداث مباراة مصر والارجنتين ضمن مونديال كأس العالم:
ظهر تامر مجدي متأثرًا بالاحداث الأخيرة وتبدو على وجهه علامات الحزن والتأثر البالغ في صوته الحزين حيث قال: "رسالة لاتحاد الفيفا الدولي من مواطن مصري .. عربي .. افريقي.. انتم عندكم حق اننا نخسر النهارده .. عندكم حق اننا نخرج من البطولة.. ما احنا مش بندعم الي انتوا عايزينه".
في اشارة منه لرفضنا الصريح لدعم المثلية الجنسية، والذي يخالف عاداتنا وديننا.
وتابع تامر مجدي: "يعني احنا مش هندعم العجل… يعني اول حاجه انتوا اضايقتوا منها اننا قلنا مش هندعم المثليين.. فانتو مضايقين مننا ازاي في يومهم العالمي .. ازاي احنا نرفض انهم يحتفلوا في الملعب.. في الاستاد اثناء مباراة مصر وايران.. عندكم حق تخسرونا طبعًا".
وتابع قائلًا: "ازاي الكابتن حسام حسن المدير الفني للمنتخب الوطني المصري يرفع علم فلسطين، ازاي حقكم تضايقوا طبعًا … حقكم تقولونا انتوا ماينفعش تشاركوا في كأس العالم حتى لو انتوا أقوى من الأرجنتين.. حتى لو انتم النهاردة بتاريخ 7/7/2026 في استاد في قلب امريكا.. منتخب مصر شلوحكم.. منتخب مصر كشفكم .. منتخب الارجنتين دا كان زمان .. لكن دلوقتي فيه منتخبات عربية وافريقية قوية.. "
وقد كشف عن استياؤوه الشديد لما حدث في مباراة مصر والارجنتين والظلم الذي وقع على المنتخب الوطني المصري وتعسف حكم المباراة واتحاد الفيفا وانحيازهم لصالح المنتخب الارجنتينى.
واردف تامر مجدي قائلًا: "انتم ظلمتم كاف فيردي منتخب الرأس الاخضر، ولكن كان ظلم غير ملحوظ بالمرة.. ولكن في مباراة منتخبنا المصري ظهرتوا زي ما يكون بتقولوا لأي حد هيدعم القضية الفلسطينية او ضد اي حاجه احنا بننتمي ليها … احنا مش هنخليه يكمل في البطولة .. افشل بطولة لكأس العالم هي البطولة دي … وتخيلوا انتوا والله العظيم اتكشفتوا اهم لعيبة واهم مديرين فنيين في تاريخ الكرة في العصر الحالي اتكلموا عن فشلكم النهارده واتكلموا عن اد ايه انتم ظلمتم المنتخب المصري ".
واختتم حديثه قائلًا: "يا جماعة احنا جايين نلعب كرة .. احنا ملناش دعوة باللي انتوا بتعملوه دا.. احنا مالنا احنا رجالة اتربينا على حجات معينة .. وعادات وتقاليد وقصة تانيه انتوا متعرفوش عنها حاجه .. لكن ظلمكم لمنتخب مصر النهارده بيأكد ان منتخب مصر كان اقوى من منتخب الارجنتين ..وان احنا عملنا ماتش للتاريخ .. وانتم اتكشفتوا قدام العالم كله ومن حق المنتخب الوطني واتحاد كرة القدم المصرية انه يرفع عليكم قضية وعلى الحكم المتواطئ… وانا بقولها باسم كل مصري عربي افريقي ان منتخب مصر لا يهزم ان منتخب مصر شرفنا شرف العرب وافريقيا وكل العالم يشهد ان منتخب مصر النهارده كان اقوى من منتخب الارجنتين ".
